Badımcan qovurması


0 Comments | Last Update: maj 12, 2015

Badımcan qovurması

Bu xörək badəmcanı və qoyun ətini xoşlayanlar üçündür. Mən bu xörəyi çox sevirəm. Adətən bu xörək plova huruş kimi verilir. Bizdə plovu mütləq xuruşla yeyirlər.

(4 nəfərə)

badimcan govurmasi 2

Badımcan (çox kiçik, uzunluğu 5-6 sm)
Baş soğan
Qoyun əti (mal əti də olar)
Limon turşusu
Sarıkök
Duz, istiot
Ərinmiş ya bitki yağı

Əgər badımcan yoğundursa, onda bəndəmini təmizləyin. Badəmcan nazikdirsə, saplağını saxlamaq olar (amma “yarpaqlar” təmizlənməlidir, ancaq saplaq saxlanılır). Məndə yoğun badımcan idi, onun üçün saplaqları kəsdim.

Badımcanı yuyub 4 tərəfdən ağ zolaq kəsilir. Bu hissələr çərtilir və duzla sürtülür. Bir neçə saatlıq belə saxlanılır, acılığı çixmaq üçün.

badimcan govurmasi 1

Badımcanı yuyub qurudun və yağda qızardın.

Əti 3×3 sm həcmində tikələrə bölüb qazana qoyun, biraz su tökün və yarıhazır bişirin. Duz yaddan çımasın. Kəfi yığın.

Soğanı həlqəvi doğrayıb yağda “ölənədək” qovurun. Bişmiş əti əlavə edib soğanla qızardın. Hər dəfə qarışdırın, çünki ət yaxşi qızarılmalıdır.

turshi qovurma1

Sonra bunun üstünə badımcanları yığın. Stəkanda 1 ç.q. limon turşusu, 0,5 ç.q. sarıkök, bir az duzu qaynar suda əridin. Bu məhlulu xuruşun üstünə tökün. Odu azaldın, qazanı qapaqla bağlayın xörək dəmdə bişsin. Xuruşu, badımcanlar əzilməmək şərti ilə, çox səliqə ilə qarışdırın. Məhlul ətlə qarışmalıdır. Xuruş plovla süfrəyə verilir.

badimcan govurmasi 3

Nuş olsun!

Skriv et svar

Din e-mailadresse vil ikke blive publiceret. Krævede felter er markeret med *

Facebook
Facebook
Twitter20
20
Pinterest0
Pinterest
Instagram0
Follow by Email