Badımcanları 1,5 sm enində dairəvi kəsib duzlayın, bir saat ərzində duzlanmiş qalsın. Sonra yuyub, qurudun və yağda qızardın.

Əti 3x3 sm kublarla kəsin. Qazana salıb bir az su əlavə edin və yarəhazır bişirin. Duz yaddan çıxmasın. Kəfi yığın.

Soğanı həlqəvi doğrayıb, qızardın, soğan “ölüb”, şəffaf olmalıdır. Əti əlavə edib soğan qızılı rəng alınadık bişirin. Bişərkən qarışdırmaq lazımdır, ət də yaxşı qızarılmalıdır.

Bundan sonra ətin üstünə badımcanları yığın. Fincana 1 ç.q. limon turşusu, 0,5 ç.q. sarıkök və biraz duz töküb qaynar su əlavə edin. Bunlar suda əriyərkən qovurmanın üstünə tökün. Odu azaldın. Qovurmanı qapaqla örtün və vaxtaşırı badımcanlar əzilmədən çevirin. Turşulu kütlə xörəklə yaxşı qarışmalıdır.